ڕێکخراوی منداڵپارێزی کوردستان لە ساڵی ١٩٩١ وەک ڕێکخراوێکی ناحکومی، ناسوودمەند* و نا تەیەفەگەر دامەزراوە کە هاوکاری بۆ منداڵان لە چەدنین ڕووەوە لە چەندین بواردا دابین دەکات، بەبێ گوێدانە نەژاد، ڕەگەز، نەریت، لایەنی سیاسی و بیڕوباوەڕی ئاینی.
لە چەندین ساڵی ڕابردوودا، منداڵپارێزی کوردستان پەوەندی ئەرێنی و سەرکەوتووی لەگەڵ فەرمانگە حکومییەکان و نەخۆشخانەکان پێکهێناوە. هەروەها هەمامەنگی و هاوکاریکردن لە بواری خزمەتگوزاریی تەندروستی لەگەڵ نەخۆشخانە گشتییەکان هەمیشە کاریگەری پێویست و ئەرێنی لەسەر کۆمەڵگا بەجێهێشتووە.
دەربارەی منداڵپارێزی کوردستان
ڕاپۆرتی ساڵانە
منداڵپارێزی کوردستان
ئێمە کێین
پەیامی ئێمە
رێكخراوی منداڵپارێزی كوردستان ئامانجی دابینكردنی هۆیه‌كانی ژیان، پارێزگاری، خۆراك، چاودێریی ته‌ندروستی و په‌روه‌رده‌ی بنه‌ڕه‌تییه بۆگشت منداڵان بێ گوێدان به‌ڕه‌گه‌ز، نه‌ژاد، ئه‌و ووڵاته‌ی لێوه‌ی هاتوون و بیروڕای ئاینییان. ڕاسته‌وخۆ و ناڕاسته‌وخۆ بۆ داهاتوویه‌كی چاكتر بۆ گشت منداڵان كارده‌كه‌ین و به‌ڕێبازێكی ئه‌وتۆ كه گشت لایه‌نه‌كانی ژیانی خێزانی، په‌روه‌رده‌یی، كۆمه‌ڵایه‌تی، ده‌روونی، ته‌ندروستی، ئابووری و باری نیشته‌جێیان بگرێته‌وه.
ڕێكخراوی منداڵپارێزی كوردستان له پێناوی مافه‌كانی منداڵدا خه‌بات ده‌كات. له پێناوی قازانجدا كارناكات و ڕێكخراوێكی سیاسی و تایه‌فه گه‌ر نییه، به‌بێ ڕه‌چاو كردنی نه‌ژاد، ڕه‌گه‌ز، نه‌ریتی باو، پابه‌ندییه ئایینی و سیاسییه‌كان یارمه‌تی پێشكه‌ش ده‌كات. ڕێكخراوی منداڵپارێزی كوردستان بۆ پشتگیریكردنی پرۆژه كۆمه‌ڵایه‌تی و په‌روه‌رده‌ییه‌كان له گشت عێراقدا كارده‌كات به‌مه‌به‌ستی كه‌مكردنه‌وه‌ی كوله‌مه‌رگی و بێبه‌شبوون و پشتگوێخستن له هه‌رشوێنێك سه‌رهه‌ڵبدات، هه‌روه‌ها بۆ ئه‌وه‌ی یارمه‌تی منداڵان بدات تاوه‌كو بتوانن به سه‌ر زه‌بره‌كانی جه‌نگدا زاڵببن.
ڕێكخراوی مندالپارێزی كوردستان كار بۆ چاككردنی چۆنییه‌تی ژیانی منداڵان ده‌كات له‌ڕێگه‌ی هاوكاریكردنی كۆمه‌ڵه ناوخۆییه‌كانه‌وه بۆ دانانی به‌رنامه‌یه‌ك كه له‌لایه‌ن خه‌لكانی ئه‌م ووڵاته‌وه به‌ڕێوه ببرێت و پارێزگاریی لێبكرێت
ڕێكخراوی منداڵپارێزی كوردستان پابه‌نده به پشتگیریكردنی ئه‌و پرۆژه درێژ خایه‌نانه‌ی یارمه‌تی خه‌ڵكی ده‌ده‌ن بۆ ئه‌وه‌ی ئه‌وانیش یارمه‌تی خۆیان بده‌ن.
ڕێكخراوی منداڵپارێزی كوردستان بڕوای وایه كه منداڵان پاشه‌ڕۆژی ئێمه‌ن. له پێناوی مافیان بۆ ژیان له ژینگه‌یه‌كدا كه‌ڕێیان پێبدات به‌باشی گه‌شه‌بكه‌ن و توانا شاراوه‌كانیان بخه‌نه‌گه‌ڕ. ئه‌وان پێویستیان به‌وه هه‌یه له‌جیهانێكدا بژین كه بیانپارێزێت، گوێ بۆ پێداویستییه‌كانیان بگرێت، ڕێز له مافه‌كان و له سه‌روه‌ریان بگرێت.
CHILD PROTECTION VIDEO
WHERE WE OPERATE
